ព្រះសីហនុ៖ អតីតឯកអគ្គរាជទូតកម្ពុជាប្រចាំប្រទេសកូរ៉េខាងត្បូងលោក ឡុង ឌីម៉ង់ ត្រូវបានរដ្ឋាភិបាលតែងតាំងជាអភិបាលរងខេត្តព្រះសីហនុ បន្ទាប់ពីលោកបញ្ចប់បេសកម្មការទូតពីប្រទេសកូរ៉េ។
ក្នុងអនុក្រឹត្យស្ដីពីការតែងតាំងមន្ត្រីរាជការចុះថ្ងៃទី៤ តុលា នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានសម្រេចតែងតាំងលោក ឡុង ឌីម៉ង់ កាន់មុខតំណែងជាអភិបាលរងនៃគណៈអភិបាលខេត្តព្រះសីហនុ។
ការតែងតាំងលោក ឡុង ឌីម៉ង់ ជាអភិបាលរងខេត្តព្រះសីហនុនេះគឺបន្ទាប់ពីលោកបានបញ្ចប់បេសកម្មជាឯកអគ្គរាជទូតកម្ពុជាប្រចាំសាធារណរដ្ឋកូរ៉េកាលពីថ្ងៃទី១ ខែមិថុនាកន្លងទៅ។
លោកបានកាន់តំណែងជាឯកអគ្គរាជទូតកម្ពុជាប្រចាំប្រទេសកូរ៉េខាងត្បូងចាប់ពីឆ្នាំ២០១៦ រហូតដល់២០២១ដែលមានរយៈពេលប្រមាណ៥ឆ្នាំ មុននឹងកាន់កិច្ចការជាឯកអគ្គរាជទូតលោកគឺជាមន្ត្រី និងជាអ្នកនាំពាក្យនៅសាលារាជធានីភ្នំពេញ៕
ព័ត៌មានជាច្រើនទៀតសម្រាប់អ្នក
